النهاية المحتومة

 

كنا بنزور المقابر انهارده
قرأنا الفاتحه و خلاص هنمشى
لقيت المنظر ده
تخيل حضرتك إن دى أخرتها !!
طب بس حاول تستوعب كده
فكر ولو لحظه ..
متصور إن بعد كل الجرى و الهرى و الشقى و الحب و الحياه و الأملاك و العيله و الصحاب و الحبايب و الوظيفه و العلاقات و الصراعات .. تبقى دى أخرتها !!

يعنى أنا فى يوم من الأيام هلاقى أعز و أقرب الناس ليا جايبينى هنا يرمونى جوه و يسيبونى و يمشوا ؟!!
يعنى انا النهارده جاى بمزاجى بكره هاجى غصب عنى ؟!!
يعنى الحفره دى انا هفضل فيها ليوم القيامه لوحدى ؟!!

قسما بالله الدنيا ما تستاهل شئ و لا نبكى عليها
محتاجين نفوق
محتاجين نعمل لليوم اللى هيجيبونا فيه هنا
إحنا مقصرين أوى و بنجرى ورا سراب و ناسيين الحقيقه او بنتناساها

#اللهم_اجمل_قبورنا_روضه
#اللهم_إنا_نسألك_حسن_الختام